|
کمق(کموک تورکلری)
جمعه 19 دی 1393برچسب:, :: 10:26 :: نويسنده : گودرز غلامی
جمعه 25 مهر 1393برچسب:, :: 21:17 :: نويسنده : گودرز غلامی
کیم دئییرکی کندیمیز آباد اولماق یاخشیدر کتدییه کتدن کوچوب تهراندا قالماق یاخشیدر کتدر ایراننان دئیل پول خشله نیب آباد اولا کتدرین خرجین بالا شیمرانا قویماق یاخشیدر باخمیون کتدر قویون بونان دا قالسین پیس گونه شهریده پوز وار اوغول پوزلی دولانماق یاخشیدر یه فرانسه آلماسین ، آل پرتغالی مصریدن نفت وریب روسیه دن بوغدانی آلماق یاخشیدر کتدی نیلیر پالتاری ، بورکی ، ایاقدا باشماقی کتدییه آجلیق روادور لوت دولانماق یاخشیدر کتدینی آلله یارالدیب اوت بیچیب مال ساخلاسین بیرده کی سوت دئ یوورتدی ، بال و قیماق یاخشیدر کتدییه لازم دئیل بیلسین کی امکانت ندور قویما دورسون کتدییه البته یاتماق یاخشیدر
کتدینی دام تیک ماغا اون میلیونا آغلار قویوب مسکن مهره اتوز میلیونی ورماق یاخشیدر هر یئرین بیر رسمی وار هر مجلیسین بیر صحبتی استخاره ایله دیم گلدی کی قانماق یاخشیدر اشتباها کندیمین حقین حقوقین ایسته دیم وردیله فرمان (( کوموکلی )) حقی دانماق یاخشیدر چهار شنبه 23 مهر 1393برچسب:, :: 6:10 :: نويسنده : گودرز غلامی
مجال وئر منه یولاداش کی چوخ پریشانم باخیرام کندیمیزین محروم حالینا چو برگ لرزانم نه قاتلم ، نه دغلباز ، ائله باخما منه اسیر ظلم قضا بیر زاواللی اینسانم یاواش دئینده کی اشیتمیر ، ایش اوسته کی مسئول سسیمی آتیرام باشیما ، هی منه باخ ، من اوزوم لاط و لوط میدانم سحر گلیب یالوارایب رای ایستیه جک سن بو گون کی ایش اوسته سن ، برس به وضع روستای ویرانم نیه گوره سن جانین آلمیر ، الینده ایش اولوب ایش گورمیه نین مقدرات خداونده مات و حیرانم .................................................................................................................................................... 93/7/25 گزه سن کل جهانی کوموگه تای اولماز نئجه کی هر نه وار اولدوز یغیلا آی اولماز یازیرام مهربان آللاه چاتا ایمدادیمیزه بیلیرم زحمتیم آخرده منیم زای اولماز باخیرام چشمی یه کندین چاینا سنه قوربان یارادان ، یازدا قوری چای اولماز به بئله باغ قورویور بس نیه یاغمور یو یاغیش پای بولن من سنه قوربان بئله کی پای اولماز ..............................................................................................................................................
جمعه 18 مهر 1393برچسب:, :: 8:5 :: نويسنده : گودرز غلامی
فیکر ائتدیم،گلیرسن،گلدیم پیشوازا گوزلر یول گوزله ییر قویما چوخ نازا سنجبد ورغوندی تازا بیر یازا گل قویما انتظار ، آقا نصرالله قیشین سازاغیندان نه دئیم سنه شاختا زورون وئیریب چوله - چمنه داغدان آغیر گلیر بو نیسکیل منه تالاندی باغچالار ، آقا نصرالله خزان جفاسیله سارالدی لاله منی اینسان کیمی چکدی سئواله گورسیدون آغلاردون سنده او حاله نه - دیل نه اختیار ، آقا نصرالله سندن گول ایستیریک گول ، گول آچیلسین سیلینسین ساقه لر سونبول آچیلسین قفسده باغلانان بولبول آچیلسین کسیلسین آه و زار ، آقا نصرالله خال خال اینتظاردا آیلار - هفته لر دئیر بوگون گلر یا صاباح گلر دئسم باشیمیزا قیش گتدی نه لر اوره گون اود توتار ، آقا نصرالله گلسیدون کوموگون آرتاردی پایی ارییردی قاری جوشاردی چایی سایما کی سایلماز دردیمین سایی الده یوخ بیر عیار ، آقا نصرالله بیر اتک لاله دی یازین تحفه سی ور قوری داغ داشا قوی اولسون بسی بووغ آلا قارقانین چیخماسین سسی چیخسا فیکریم چاشار ، آقا نصرالله امیره فرصت وئر قوی یازسین سوزون آغلاسین - سوندورسون قلبینین کوزون آزقالدی اولدورسون وطن سیز اوزون وطن باش سیز قالیب ، آقا نصرالله ... یک شنبه 13 مهر 1393برچسب:, :: 9:9 :: نويسنده : گودرز غلامی
چهار شنبه 2 مهر 1393برچسب:, :: 18:4 :: نويسنده : گودرز غلامی
جانیمدا گوجوم یوخ ، جیبیمده پولوم زامان قطره _ قطره اریدیر منی موشکلات ال آتیب یاخامی جیریر شهلی یورقان کیمین چورودور منی آرواد کوسوب گئدیب ، اوشاق چیغیریر اورکده کوز قالیب یارام آغری یر هرکسه دئیرم اونی حاقلی یر سه فاز برق توتور قورودور منی منده گوناه یوخدی زامان بئلدی توکدی قلبیر اوسته خالقی اله دی چوخینا مال وریب پولو ایلدی باشماق سیز ، داشلیقدا یریدیر منی روزگار شاعیر دن یامان آلیر باج بیر قارین توخ گزدیم ، بیر قارین دا آج دونیایا گلندن هر شئیه محتاج فلک اوز دالیجا سورودور منی امیر ترسه اولوب جهاندا هر ایش چالیش ایشله مگله باختیوی دئیش قویما چوخ سینسیده بو چرخ گردیش بتر ساکت ادیب کیریدیر منی سه شنبه 1 مهر 1393برچسب:, :: 6:17 :: نويسنده : گودرز غلامی
کومک اوچون ائل فامئلین ایشینه بویوک یارادانی یار ایسته میشم خئیر خواه انسانی یاخشی دوستلاری همیشه عالم ده وار ایسته میشم مولکو وئران قویوب ائو اوچوردانی عدالت یولوندا تله قورانی قلبی خایین یالتاق آرا وورانی دیلی لال قولاقی کار ایسته میشم امیرعلی یاز اوبادان یاز ائل دن گوزل اورک ایلهام آلار گوزل دن یامان گونه کیم سئوینه ازل دن اونو ائل ایچینده خوار ایسته میشم سه شنبه 1 مهر 1393برچسب:, :: 6:15 :: نويسنده : گودرز غلامی
حاقین کوره سیندن چیخان دمیرم نه ایستی نه سویوق دویولمرم من شوشه یم سیناندا یاپیشیل مارام پولادام قیریلام اییلمه رم من ذیروه یم هر جوره طوفان گورموشم داغام ایلدیرما سینه ورمیشم دوستا سوزلریمدن شکر وئرمیشم دوشمانا زهرم یئییلمه رم من قارتالام یورد یووام آسیمان منیم غواصام منزیلیم گوی عمان منیم امیرم سیرداشیم درد قانان منیم نادان لار دیلینده دئییلمه رم من سه شنبه 1 مهر 1393برچسب:, :: 6:14 :: نويسنده : گودرز غلامی
نه قدر درد اهلی اولسا دونیادا واللاه مندن آرتیق یاراسی یوخدی اوقدر آه چکیب آغلامیشام کی داها گوزلریمین قاراسی یوخدی های کویوو گویلره قالخیر نامردین درمانی تاپیلماز بیر بئله دردین عارسیز لیقدان سونرا چاراسی یوخدی اسدیردی اوستومدن آجی کولگین مین فیتنه ایشله دیب قوردو کلگین من چوخدان بیلیردیم ظالیم فلگین مظلوم امیر ایله آراسی یوخدی
سه شنبه 1 مهر 1393برچسب:, :: 6:9 :: نويسنده : گودرز غلامی
سن دئدیگون واختا سیغمیر آرزولار آمان اولوم ، من دئدیگیم واختدا گل تزه _ تزه باشلامیشام اوچماغا آمان اولوم ، من دئدیگیم واختدا گل قوتارمامیش الیمده کی ایشلریم گلیر عومرون قاری ، بوزو ، شاختاسی حاضیرلانسین تابوتومون تاختاسی آمان اولوم ، من دئدیگیم واختدا گل گل آرا دا کیشی کمین شرط کسک شرطیمیزی درست کسک ، مرد کسک صحبت ائدک ، غم دوغرایاق ، درد کسک آمان اولوم ف من دئدیگیم واختدا گل من بیر گولم ، سنده گوله آج آری اینانمیرام بیر کس سن له باجاری واختسیز اولوم بدبختلیگین آچاری آمان اولوم ، من دئدیگیم واختدا گل آغلاماسین سئوگیلیمیز ، یاریمیز بوداغیندان کال دوشمه سین باریمیز بیر جان بورجی واریمیزدی ، واریمیز آمان اولوم ، من دئدیگیم واختدا گل گلین گوروم قدملری سایالی نوه گوروم حلال سوددن مایالی نسیل گوروم چیچکلردن حیالی آمان اولوم ، من دئدیگیم واختدا گل قاپیسینی اوز الیمله دویرم عزاییلا خوش گلیبسن دئیرم کفنیمی گوله _ گوله گئیرم آمان اولوم ، من دئدیگیم واختدا گل یک شنبه 9 شهريور 1393برچسب:, :: 6:8 :: نويسنده : گودرز غلامی
((تهران اوزودا گوردوم کرج اوزوده .... ، ایندی سیزین شهره گوره ، نه دانیشیم نه یازیم ...! نه یئنن یازیم ؟؟؟. )) بیر یئرده کی خیال آتین چاپانمیر قارداش ایتیر قارداش اونی تاپانمیر یاتماقادا چوخی بیر ائو یاپانمیر بئله یئرده نه دانیشیم نه یازیم بیر یئرده کی آیاقلانیر حقیقت یئرلی - دیبلی الدن دوشوب محبت بیر یئرده کی نه همت وار نه حرمت بئله یئرده نه دانیشیم نه یازیم بیر یئرده کی قان ایچنلر قان آلیر جلاد گلیر گوناه سیزدان جان آلیر بیر یئرده کی اجل بیزدن سان آلیر بئله یئرده نه دانیشیم نه یازیم بیر یئرده کی غفلت باسیب اینسانی خطر ده دیر اینسانلارین وجدانی بیر یئرده کی آخدیریرلار آلقانی بئله یئرده نه دانیشیم نه یازیم بیر یئرده کی عدالتی آنان یوخ مظلوملارین احوالینا یانان یوخ حق دئیه نین حق سوزلرین قانان یوخ بئله یئرده نه دانیشیم نه یازیم بیر یئرده کی ظولوم عرشه چیخیبدیر ناحق دوروب حقی یئره ییخیبدیر مانجاناق تک فیشار خلقی سیخیبدیر بئله یئرده نه دانیشیم نه یازیم بیر یئرده کی عشقین آدی باتیبدیر ایستکلی لر بیر بیرینی آتیبدیر بیر یئرده کی اویاقلاردا یاتیبدیر بئله یئرده نه دانیشیم نه یازیم بیر یئرده کی دوداقلاردا گولوش یوخ آه چکمکدن باشقا اوردا بیر ایش یوخ بیر یئرده کی مرد الینده قیلیش یوخ بئله یئرده نه دانیشیم نه یازیم بیر یئرده کی دوز سوز دئمک حرامدی اگری - دوزو کسیب دئییر نه رامدیر بیر یئرده کی پیسلیک ده بیر مرامدیر بئله یئرده نه دانیشیم نه یازیم بیر یئرده کی چوبان نئیین چالانمیر ساراسینی سئل الیندن آلانمیر بیر یئرده کی وطنداشلار قالانمیر بئله یئرده نه دانیشیم نه یازیم بیر یئرده کی داغلار بوتون دوماندی قورد ، سورودن دیش پایینی آلاندی بیر یئرده کی کوچوک ایتدن یاماندی بئله یئرده نه دانیشیم نه یازیم . جمعه 7 شهريور 1393برچسب:, :: 8:14 :: نويسنده : گودرز غلامی
دو شنبه 3 شهريور 1393برچسب:, :: 17:37 :: نويسنده : گودرز غلامی
دو شنبه 3 شهريور 1393برچسب:, :: 17:35 :: نويسنده : گودرز غلامی
نئچه یئردن فیتنه قورور ، ناحاق حاققی ییخماق اوچون انسان قانلار ، آخیدارمیش ، ایسته ینه چاتماق اوچون یولار بئتر دارالیبدی ، اسالیمی قار آلیبدی غیرتسیز لر یارانیبدی ، باشیمیزا توخماق اوچون اوسکیلیدن ثروت اومما ،حورمتسیزدن حورمت اومما قارینلیدان غیرت اومما ، او یارانیب تیخماق اوچون گول اوستونه قوناندا سار ، شادلیق ائدر ، ائیله مز عار نه قدر کی ، گوزللیک وار ، یارانیبدی باخماق اوچون امیر علی گوزله هله ، قیمت قویان یوخدی لعله لاپ دونیانی قیزیل ائله ، نه فرقی وار آخماق اوچون دو شنبه 3 شهريور 1393برچسب:, :: 17:33 :: نويسنده : گودرز غلامی
ناموس ، غیرت یادان چیخیب ، شاسی بلند شوهرت اولوب چوخ نصیحت ائیله ییریک ، سویله کیمه عبرت اولوب دوست تانیشی کی سایموروق ، ائله محل قویموروق هی ، ییریک کی دویموروق ، چورگیمیز غیبت اولوب امیر بیر یول گئدر هره ، یاخشی پیسی گوره گوره ایش باشینادا ایله شنه ، هیریلداماق عادت اولوب . دو شنبه 3 شهريور 1393برچسب:, :: 17:32 :: نويسنده : گودرز غلامی
شنبه 1 شهريور 1393برچسب:, :: 6:10 :: نويسنده : گودرز غلامی
یوز ایل بیزدن سونرا گلن نوه لر گلمیشیک گئتمیشیک نه بیله جک لر یادیگار قالماسا بیزدن اونلارا بیز نه لر ائتمیشیک نه بیله جک لر نده ن بیله جک لر کوله دونموشوک تورپاغا چئوریلیب گیله دونموشوک داغلاردا بیتمیشیک نه بیله جک لر دوغرودوز عنوانی یازماساق داغا پروریش وئرمه سک بهره لی باغا هانسی اراضی ده هانسی تورپاغا قاریشیب ایتمیشیک نه بیله جک لر جمعه 31 مرداد 1393برچسب:, :: 16:17 :: نويسنده : گودرز غلامی
دارگونده قانانا قوربان گئدرم قانمازی دونیادا گوزوم گورمه سین آتا اولادینا اولماسین خجیل بو گونی آیدین له آرین گورمه سین باخسین هر نعمته گوزوم ، قازانیم حیاتدا جسارت ، دوزوم قازانیم واریمی زحمتله اوزوم قازانیم حرامی اوجاغیم گوزوم گورمه سین دوزلوک اعتباردیر امیرین واری قانانا میلیوندور کیچیک بیر داری غیرتسیز اولادی ، عصمتسیز یاری ای الله کور ائیله گوزون ، گورمه سین . جمعه 31 مرداد 1393برچسب:, :: 16:15 :: نويسنده : گودرز غلامی
من جنتی پوچ سانارام گولوم سنون قوجاغیندا بیهوش اولوم ، قوی لال اولسون دیلیم سنون قوجاغیندا تاپسا منی قضا قدر عومروم گونوم گئچسه هدر خوشدور منه گئچسه اگر ظولوم سنون قوجاغیندا یا وعده نی بویازا وئر یا کی منی گودازا وئر هئچ اولماسا اجازه وئر اولوم سنون قوجاغیندا . جمعه 31 مرداد 1393برچسب:, :: 16:14 :: نويسنده : گودرز غلامی
باغلارا گیرنده مسلمان اهلی قوروسون توللایب یاشین کسیلر ائل باغیندا بیر چیچک اکمین لر بیرینین یرینه بئشین کسیلر اوجا زیروه لرده قاردان اوتوری محصوللودوزلرده باردان اوتوری مسلمانلار گوردوم واردان اوتوری کورپه لی آنانین دوشون کسیلر گه لون داغلار دوزک سئل قاباغیندا تپه لر سوورولار یئل قاباغیندا ملت باخا باخا ائل قاباغیندا حاققی دانیشانین باشین کسیلر . جمعه 31 مرداد 1393برچسب:, :: 16:12 :: نويسنده : گودرز غلامی
کونلوم دده نصیحتون ایسته ییر دیللریوه قربان اولوم آی دده ایسته ییرم سهویم اوسته دوی منی اللریوه قربان اولوم آی دده آتا اولسه اوغول گول تک سولار میش قیز آغلایب ساچلارینی یولار میش آتایا دا آتا لازیم اولارمیش یولارینا قوربان اولوم آی دده اریمیر قار قیرو سنی گوزله ییر اوداغلاردا بیر اوو سنی گوزله ییر کوموک سنی ، صوفلو سنی گوزله ییر چوللرینه قوربان اولوم آی دده ((قاباق تپه)) آسیمانا ال آچیب ((قاراقایا))سندن آیری دیل آچیب زیریش لیکده آغاج لارون گول آچیب گول لرینه قوربان اولوم آی دده جانیم وارسا سن یوردوندا بیل منی دارا چکیر هفته منی ایل منی سندن سورا آپاریب دی سئل منی ائل لرینه قربان اولوم آی دده . جمعه 31 مرداد 1393برچسب:, :: 16:9 :: نويسنده : گودرز غلامی
الی یه چاتمامیش اسیر بدنیم آداملاردا ازلکی تک جان یوخدور دونوب بیر بیرندن بنده نین اوزو سیزلاسان حالیوا بیر یانان یوخدور اله فرصت آلان یوردی تالاییر یئتن اوجاق چاتیر ، تونقال قالاییر انسانلار بیر بیرین دیدیر دالاییر یقین دامارلاردا تمیز قان یوخدور امیر قویسان گوز یاشوندا چیمرم دیله نرم ، آنجاق حرام یئمرم پیغمبرله ، اماملاری دئمرم فیریلداق اولمایان مسلمان یوخدور.
جمعه 31 مرداد 1393برچسب:, :: 13:7 :: نويسنده : گودرز غلامی
دئیله ال توتماق علی (ع) دن قالیب ایندی ال توتاندا الی کسیلر دارا دوشن واختی بورج ائلین لر قایتاریب ورنده پولی کسیلر ایندی باخان یوخدی جاوان سان پیرسن قیمتون نئچه دی ، اوجوزسان دورسن جان قویوب ائل اوچون یول چکدیریرسن قونشولار شر سالیب یولی کسیلر جاوان قوجا تاپدیر زور مئیدانیندا اولاق جولان ائدیر نر مئیدانیندا چاققالار اولاشیر شیر مئیدانیندا تولکی گوز ووراندا فیلی کسیلر شرفسیز اولماسین نسیلیم ، کوکوم حاققا ناحاق دئسم بلاسین چکیم درده دوشن واختی آختارما حکیم بارماغون شیشنده قولی کسیلر عاقیللر آزالیب ، صرافلار اولوب هرکس اوز پایینی الییله بولوب ایندی باغا تزه باغبانلار گلیب قانقالی سواریب ، گولی کسیلر . امیر حقیقتی نه گیزلت نه دان حاقسیزلیق گورنده نه آلیش ، نه یان گوزومله گورموشم ، آی اوغول اینان ایندی حاققی دئین دیلی کسیلر . پنج شنبه 30 مرداد 1393برچسب:, :: 11:40 :: نويسنده : گودرز غلامی
((گلایه از همه سنجبدی هایی که رفتن و پشت سرشون رو هم نگاه نکردند )) ... بختون وریب سوت گولونه باتیب سان بویوکلرین کولگه سینده یاتیب سان آد ، سان اوچون آنایوردون آتیب سان وطن سنه هاردان اوغول دئسین کی قوزغون کیمن قانادوو آچیب سان قورد داغیتمیش لئش اوستونده اوچورسان شهرت اوچون سن تهرانا قاچیب سان وطن سنه هاردان اوغول دئسین کی کتد داموزدا بایقوش یووا سالیبدی دیوارینن داشلارینی سالیبدی آتا مولکو آغیر گونه قالیبدی وطن سنه هاردان اوغول دئسین کی یئتمه دون سن بیر یئتیمین دادینا یانمادون سن بیر یانانین اودونا دوغما اولکه دوشمور سنون یادونا وطن سنه هاردان اوغول دئسین کی خوشلامادون دوغولدوغون کندی سن بینمه دون بره نی سن بندی سن خالق نییه آلادیسان ایندی سن وطن سنه هاردان اوغول دئسین کی . یک شنبه 26 مرداد 1393برچسب:شعر ترکی, :: 8:16 :: نويسنده : گودرز غلامی
بیزکتده کفه باخیروخ ، تهرانداکی گور نه چکیر . حاقسیز باشدا اوتوراندا ، حاقلی اولان گور نه چکیر . آغلار گوردوم اورکلری ، سولموش آرزو دیلکلری ، پلنگ اولوب بیلکلری ، باغلی اولان گورنه چکیر . دوغرو ایشلری ایدیرن ، حاقسیز قاپی لار دویدورن ، اولوو گوورونا سویدورن ، اوغلو اولان گور نه چکیر ، یولداش قلبین اریت بوزون ، خوش حالینا عاغیلسیزین ، عاغلی اولان گور نه چکیر گودرز : ساغ اولاسان آقای هدایتی یاخشی ذوق خرجه وریبسن.......... جمعه 24 مرداد 1393برچسب:, :: 14:6 :: نويسنده : گودرز غلامی
کوموک دئییب دایانمشام عشقیمین اوسته یانمشام یولوندا جسمی دانمشام سنه قوربان جانیم کوموک قارا قایا بویوک چمن وورولموشام اونلارا من ائل یولوندا نه من نه سن آدیم کوموک سانیم کوموک زاغار دره یا شور بلاغ کاش گایدیب کنده گالاق دوشده دوشلوک الده اوراق هر دم جوشور قانیم کوموک بو کند منیم اوجاغیمدیر قوجالاندا یاتاغیمدیر کومه لری چاتاغیمدیر نئجه سنی دانیم کوموک کور قیزین دا الده سازی زیر پرده ده خوش آوازی یازدیم گلسین گلن یازی اوخوسون دستانیم کوموک صابرسنون شئر اولادین اونلا اوجا قالیب آدین او ائشیتدی ائل فریادین دئدی آخسین قانیم کوموک باغلارووا دوشدی گوزوم دوداغیمدان سوزدو سوزوم دئدیم سنسیز نئجه دوزوم بیله یمده زوروم کوموک جمعه 24 مرداد 1393برچسب:, :: 14:4 :: نويسنده : گودرز غلامی
آی وقارلی کونولداشلار آی ائللر من وورغونام وقارینا کندیمین کوراوغلوتک ایلیگیمیله قانیملا ورورولموشام نیگارینا کندیمین دیریلیگین دونگه سی وار ، داری وار جوان عومرون آل اوزونده ساری وار ایندی یایدی قیش گله جک قاری وار گوز تیکمیشم باهارینا کندیمین عومور بویو سینامیشام ائللری ایزله میشم قان دالغالی سئللری فرهاد کیمی بو آغاران تئللری باتیر میشام غوبارینا کندیمین تیکان باتسین غضبکارین گوزونه بلکه باشی مشغول اولا اوزونه قوت ورن الهوردی سوزینه دایاغیندا دایانیبدی کندیمین حئییف ده گیل ، کول التیندا کوز قالا ؟ کونول گئده دالیسیجا گوز قالا اشیت یولداش ایسته سن کی سوز قالا اوخو سوزو داغ داشینا کندیمین جمعه 24 مرداد 1393برچسب:, :: 14:1 :: نويسنده : گودرز غلامی
سندن آیریلاندان گوزوم یاش توکور بالان سنه گوربان کوموک آی کوموک بو هجران دردیله حقیم دیر اگر گوز یاشیم اولسا قان کوموک آی کوموک من سندن دونمه رم اولن گونه ده ک سن منه وئریبسن آنا تک امک گئجه لر صبحه ده ک آغلاسین گره ک یوردوندان آیریلان کوموک آی کوموک آی منیم ایستکلی اورک سیر داشیم بلالر تاپداقی اولوبدور باشیم فلکین یازدغین پوزار گوز یاشیم صبر ائله بیر دایان کوموک آی کوموک بو دنیا هئچ کسه وفا قیلمادی آغلاتدی گوزلری ، یاشین سیلمه دی دردلی نین دردینی دردسیز بیلمه دی سوزومده یوخ یالان کوموک آی کوموک ایستردی شوم فلک اولدورسون منی باشلادی آلماقا الیمدن سنی یای گلیب سولیب دی کندین کویشنی من یاندیم سنده یان کوموک آی کوموک جمعه 17 مرداد 1393برچسب:, :: 11:10 :: نويسنده : گودرز غلامی
کوموگم آذربایجاندا اولان قوجامان بیرکندم اردبیل خلخالین اوستونده جاوان بیرکندم سیلدیریم داشلاریمین باشینه یول تاپسان اگر گوره جکسن کی نئجه جانی گران بیر کندم منی مغرور ائله ین ائللریمین قدرتی دیر ائل امیدیله ائله دار الامان بیر کندم حادثه سئللری مندن قوپارانماز بیر زاد قانلی دریالری بیر قطره سانان بیر کندم چوخ ووروب زورونو سئللر منه کچمیش لرده رام ائدن سئللری شانلی ائله ، خان بیر کندم شاه پسند یوردو منم نادر شاه آزاد ایله ین قصه سی اورتولو احوالی نهان بیر کندم ایلدیریملار چاخاراق توستو قوپار کونلومدن غیرتیمدن آلشیب اوددا یانان بیر کندم های هارایلی ، سورولو ، ائللی ، سولو ، یایلاقلی قوجا وقتینده دوشو سبزه ، جاوان بیر کندم یاری جانم جانیمین ، یاریسی یوخدور اما بو یاریم جانلیغیلا جانسیزا جان بیر کندم کوچ دیله منده اولان لار قالدی لار غربتده گوزو قارداش یولو اولموش نیگران بیر کندم های ورون ائللریمیز بل گوتوروب گلسین لر تا بیلین سین کی نئجه روزی ورن بیر کندم .
صفحه قبل 1 صفحه بعد
حدیث موضوعی
موضوعات
آرشيو وبلاگ
لیگ برتر ایران
آمار بازدید
|
||||||||||||||||||||
 |
||||||||||||||||||||